يا ترى إيه اللي بيخلي ملايين المصريين في الخارج يبعتوا فلوسهم لمصر بأرقام خيالية؟ .. وليه التحويلات دي ارتفعت بشكل ملحوظ في السنة المالية 2024-2025؟ .. وإزاي وصلت لحد 20 مليار دولار في أول سبع شهور بس؟ .. لو عايز تعرف إجابات الأسئلة ديوتكتشف سر القفزة التاريخية دي.
من يوليو 2024 ليناير 2025 .. يعني أول سبع شهور من السنة المالية 2024-2025 .. تحويلات المصريين في الخارج وصلت لـ 20 مليار دولار .. تخيل الرقم ده! .. مقارنة بـ 11 مليار دولار بس في نفس الفترة من السنة اللي فاتت .. يعني زيادة 81%.
طب إزاي حصل ده؟ .. وإيه اللي خلّى الأرقام تتضاعف بالشكل ده؟
القصة بدأت في مارس 2024 .. لما الحكومة المصرية خدت قرارات إصلاحية جريئة.. زي توحيد سعر الصرف وتسهيل التحويلات عبر القنوات الرسمية .. الإجراءات دي كانت زي مفتاح سحري .. فتح الباب على مصراعيه لتدفقات دولارية غير مسبوقة .. ومن ساعتها .. التحويلات بقت في صعود مستمر .. لمدة 11 شهر على التوالي .. كل شهر بيحطم رقم الشهر اللي قبله .. وده مش كلام إعلامي .. ده بيانات رسمية من البنك المركزي المصري .. اللي أكد إن التحويلات بقت مصدر قوي للنقد الأجنبي .. وبيساهم في دعم الاحتياطي النقدي واستقرار الاقتصاد.
خلينا نركز على يناير 2025 .. الشهر ده لوحده كان قصة نجاح تانية .. التحويلات وصلت لـ 2.9 مليار دولار .. مقارنة بـ 1.6 مليار دولار في يناير 2024 .. يعني زيادة 83.2% .. تخيل إن الرقم ده ما حصلش قبل كده في تاريخ يناير من أي سنة! .. وده معناه إن المصريين في الخارج بقوا واثقين أكتر في إن فلوسهم هتوصل بسرعة وأمان .. وبدون تعقيدات .. وده بفضل النظام الجديد اللي سهّل كل حاجة .. من البنوك لشركات الصرافة.
طب ليه التحويلات دي مهمة أوي؟
عشان هي مش مجرد أرقام .. دي فلوس بتدخل الاقتصاد المصري وبتساعد في حاجات كتير .. زي دعم المشروعات التنموية .. تحسين البنية التحتية .. وتغطية احتياجات السوق من العملة الأجنبية .. يعني لما بتقرا إن الاحتياطي النقدي زاد .. أو إن الجنيه بقى أقوى .. اعرف إن تحويلات المصريين في الخارج ليها دور كبير في الموضوع ده .. ومش بس كده .. دي فلوس بتساعد ملايين الأسر المصرية .. بتسد احتياجاتهم اليومية .. من تعليم وصحة وسكن .. يعني تأثيرها بيلمس كل بيت مصري.
ومين اللي ورا الإنجاز ده؟
هما المصريين العاملين في الخارج .. اللي بيشتغلوا ليل نهار في كل حتة في العالم .. من الخليج لأوروبا لأمريكا .. دول أبطال بمعنى الكلمة .. بيبنوا مستقبلهم ومستقبل بلدهم في نفس الوقت .. وعددهم مش قليل .. حسب تقديرات وزارة الخارجية .. فيه حوالي 11 مليون مصري مهاجر حوالين العالم .. وكل واحد فيهم بيساهم بطريقته .. سواء بتحويل دولار واحد أو مليون دولار .. الكل جزء من النجاح ده.
طيب إيه اللي نقدر نستفيده من القصة دي؟
أول حاجة .. إن الثقة في الاقتصاد المصري بترجع بقوة .. والإصلاحات الاقتصادية بتدي نتيجة حقيقية .. تاني حاجة .. إن دور المصريين في الخارج مش هيبطل يتطور .. ومع استمرار التسهيلات .. إحنا متوقعين إن الأرقام دي هتزيد أكتر في الشهور الجاية .. وتالت حاجة .. لو إنت من المصريين اللي برا .. أو حتى جوا مصر .. اعرف إن كل جنيه بيتصرف بحكمة هيساهم في بناء مستقبل أفضل لبلدنا.
إخلاء مسؤولية إن موقع عاجل الإخباري يعمل بطريقة آلية دون تدخل بشري،ولذلك فإن جميع المقالات والاخبار والتعليقات المنشوره في الموقع مسؤولية أصحابها وإداره الموقع لا تتحمل أي مسؤولية أدبية او قانونية عن محتوى الموقع.
