يا ترى إيه اللي حصل في سعر الدولار الأمريكي في الأسواق المصرية بعد قرار البنك المركزي بتخفيض أسعار الفايدة في اجتماع يوم الخميس الماضي، هل أسعاره ارتفعت من تاني ولا واصل نزيف الخسارة، وإيه المتوقع لمستقبل العملة الأمريكية في الفترة الجاية في ظل تبعات الحرب التجارية.
في الساعات الأخيرة، سعر الدولار الأمريكي في مصر، شهد حالة من الاستقرار النسبي، وده حصل بالتزامن مع القرار الصادر عن لجنة السياسة النقدية بالبنك المركزي المصري، يوم الخميس اللي فات بتاريخ 17 أبريل 2025، واللي خفض فيه سعري عائد الإيداع والإقراض لليلة واحدة، وسعر العملية الرئيسية بمقدار 225 نقطة أساس، عشان تكون 25.00% و26.00% و25.50% على التوالي.
ونقدر نقول إن التحرك ده حصل في إطار سياسة نقدية مرنة، بتهدف لدعم النمو الاقتصادي ومراقبة تطورات التضخم أو انخفاض الأسعار في الأسواق المصرية.
" title="بعد مفاجأة المركزي الكبرى إيه اللي هيحصل للدولار الأيام الجاية؟" frameborder="0">
أما بقى بالنسبة للدولار، فسعره وصل مقابل الجنيه المصري ل 51.10 جنيه، ووصل كمان أعلى سعر للبيع 51.20 جنيه، وده في ظل الهدوء النسبي في تداولات العملات الأجنبية بعد خفض الفايدة.
وحاليا الدولار بيلعب في سكة 51 جنيه، وده زي ما قولنا بيعكس حالة من الاستقرار والاتساق في التسعير في القطاع المصرفي، وكمان بيعكس التوجه العام في السوق لحالة الترقب والحذر في ضوء السياسة النقدية الجديدة
ومع الاستقرار الواضح في السوق الرسمي وتوافر الدولار ، نقدر نقول إن مافيش تهديد على الجنيه في ظل سياسة البنك المركزي الرشيدة ونجاحه في القضاء على السوق السوداء العملة في مصر، وكمان القرار الجريء بتحرير سعر الصرف.
عندك برضو، استقرار سعر الدولار في مصر بيأكد نجاح البنك المركزي في تهدئة الأسواق بعد قرار خفض الفايدة، وكمان بيساهم في ارتفاع الاحتياطي النقدي لحوال 48 مليار دولار، وده في حد ذاته بيحد من أي تحركات حادة في السوق، وبيأكد على أهمية مراقبة مؤشرات الاقتصاد العالمي والتطورات الإقليمية، وبيعكس مدى نجاح السياسة المصرفية في تحقيق التوازن للعملة المحلية.
وفي الأيام الأخيرة وخاصة بعد الحرب التجارية اللي حصلت بسبب فرض الرئيس الأمريكي دونالد ترامب رسوم جمركية على أكتر من 60 دولة، شهد الدولار تقلبات حادة وحقق خسائر كبيرة جدا في الأسواق العالمية.
وبالفعل، العملة الخضرا ماكنتش بعيدة عن التداعيات السلبية للحرب التجارية، فرغم أن المستثمرين كانوا بيعتبروه ملاذ آمن في فترات التقلب وعدم اليقين الإقتصادي، إلا أنه حطم كل التوقعات واتكبد خساير كبيرة جدا.
عشان كده، حاليا الدولار الأمريكي بيعيش فترة صعبة جدا ومبقاش ملاذ آمن للمستثمرين بسبب سلسلة الخسائير، عشان مده مستقبل العملة الأميركية مازال غامض بسبب تراجع الرهان عليه كملاذ آمن.
إخلاء مسؤولية إن موقع عاجل الإخباري يعمل بطريقة آلية دون تدخل بشري،ولذلك فإن جميع المقالات والاخبار والتعليقات المنشوره في الموقع مسؤولية أصحابها وإداره الموقع لا تتحمل أي مسؤولية أدبية او قانونية عن محتوى الموقع.
