مصر بقت غول تجاري عالمي.. إيه اللي حصل في قطاع المواني واللوجستيات في الفترة الاخيرة وإيه سر زيارة كامل الوزير للسعودية وإزاي تحالف المواني بين البلدين هيسيطر على خريطة التجارة بين الشرق والغرب.
قطاع المواني في مصر من أهم القطاعات اللي اتنفذ في مجال البنية الاساسية لأنه بيعتبر قوة مصر التجارية على البحار وكمان عامل مهم جدا في تنشيط الصادرات وتحول مصر لمركز عالمي في حركة التجارة العالمية وعززت كمان توطين صناعة التعهيد في مصر..
ومصر قدرت على مدار السنين اللي فاتت إنها تبني مواني عملاقة وكمان مناطق لوجستية بتخدم عليها ووزعت المواني دي بقرب المناطق الصناعية لتسهيل عملية التصدير وكمان مواني مصر اكتسبت أهميتها القصوي بسبب قناة السويس اللي أغلب بضائع العالم ومنتجاته بتعدي منها وبجانب موقعها الجغرافي المتميز سواء على البحر المتوسط والمواجه لأوروبا والطريق للأسواق الامريكية أو البحر الأحمر والطريق لأسيا ومناطق انتاج النفط وكل دا إدي قيمة مضافة لموانيء مصر.
" title="موانيء مصر العملاقة تحالف جديد مع السعودية للسيطرة على حركة التجارة" frameborder="0">
طيب ايه الجديد في ملف المواني؟
الجديد إن هيئات الموانيء المصرية دلوقتي بقت عامل مهم في التجارة بالمنطقة ومصر كان عندها 15 ميناء تجاري وكشف كامل الوزير عن الانتهاء من إنشاء 3 مواني جديدة وبكده وصل الاجمالي ل18 ميناء ودا عدد كبير للمواني في دولة واحدة لكن في نفس الوقت دليل إن مصر عندها خطط واعدة في مجال التجارة والتصنيع والتصدير.
وبالمواني الجديدة قطاع الموانئ المصري هيستوعب 40 مليون حاوية مكافئة سنويا و400 مليون طن بضاعة ودي أرقام ضخمة جدا عمرنا ما سمعنا بيها قبل كده.
الجديد بقي إن مصر بتسعي لعمل لوبي اقتصادي قوي مع المملكة العربية السعودية في قطاع المواني للسيطرة على حركة النقل والتجارة في المنطقة ورفع القيمة المضافة للمواني في البلدين واستغلالها بأفضل طريقة ودا اللي أكد عليه الوزير خلال زيارته الأخيرة للسعودية وزيارته لميناء جدة السعودي.
كامل الوزير أكد على أهمية التكامل بين الموانىء البحرية والربط البحري مع السعودية خاصة مع التطور الكبير في منظومة النقل البحري في البلدين وأكد كمان إن فيه اهتمام كبير من الحكومة المصرية لتحقيق نقلة نوعية في قطاع النقل البحري وأنه تم إنشاء أرصفة ومحطات جديدة ووصل إجمالي أطوال الأرصفة 100 كم أرصفة وحواجز أمواج بطول 50 كم وتعميق الممرات الملاحية في الموانئ لاستيعاب أي سفن وأي كمية بضائع.
الوزير كشف كمان إن قطاع النقل البحري في مصر قدر يجذبأكبر 6 خطوط ملاحية عالمية بخلاف جذب أكبر 7مشغلين عالمين ضمن خطة تحويل مصر إلى مركز إقليمي للنقل واللوجيستيات وتجارة الترانزيت ولو فاكرين دي كانت توجيهات الرئيس السيسي قبل كده لما قال إن مصر لازم تستغل كل الامكانيات في تحقيق اقتصادي قوي.
إخلاء مسؤولية إن موقع عاجل الإخباري يعمل بطريقة آلية دون تدخل بشري،ولذلك فإن جميع المقالات والاخبار والتعليقات المنشوره في الموقع مسؤولية أصحابها وإداره الموقع لا تتحمل أي مسؤولية أدبية او قانونية عن محتوى الموقع.
