استثمارات كويتية بالكوم هتوصل لمصر في الفترات اللي جاية، وهتكون في مجالات كتيرة جدا.. ياتري اية سر الاستثمارات دي.. واية المجالات اللي هتكون فيها وفايدتها ايه للاقتصاد المصري.
مصر في الوقت الحالي بقت هدف استراتيجي للاستثمارات الأجنبية، وكل المستثمرين عينهم بقت علي السوق المصري، وعايزين يدخلوا مصر علشان يستفادوا من الفرص الاستثمارية المتاحة في مصر التحفيزات والتسيهلات الكتيرة اللي بتقدمها الدولة للمستثمرين.
طيب اية حكاية الاستثمارات الكويتية اللي هتدخل السوق المصري؟.
النهاردة الرئيس السيسي استقبل وفد استثماري كويتي لبحث الفرص الاستثمارية الموجودة في مصر والمجالات المتاحة قدام الشركات الكويتية والتسهيلات اللي بتقدمها الحكومة.
الرئيس عبدالفتاح السيسي خلال اللقاء اكد علي استعداد مصر لتوفير كافة السبل المتاحة لتوطيد وتطوير الشراكة مع القطاع الخاص الكويتي، وأكد كمان على الدور المحوري لرجال الأعمال والصناعة في دفع التعاون الثنائي بين مصر والكويت، من خلال الاستثمار في مشروعات مشتركة تعود بالنفع على البلدين، وهتحفز النمو الحقيقي لاقتصاد البلدين وهتوفر ملاييننمن فرص العمل للشباب في البلدين.
الرئيس السيسي خلال اللقاء وجه وجه الدعوة للمستثمرين الكويتيين لاستكشاف الفرص المتاحة في مصر، والاستفادة من الحوافز والتسهيلات التي تقدمها الدولة المصرية، والتطور التعاون الصناعي اللي ممكن يكون بين البلدين من خلال إقامة شراكات صناعية بين الشركات المصرية والكويتية، والتركيز على القطاعات ذات القيمة المضافة العالية، خصوصا أن السوق المصرية سوق كبير وواعد وله احتياجات ضخمة في كل المجالات، وده هيتيح للمستثمرين الكويتيين إمكانية الحصول على عوائد كبيرة من الاستثمار.
الكويت مش ناسية اللي عملته مصر معاها في بداية نشائتها، وده اللي أكده الشيخ مشعل الأحمد الصباح أمير دولة الكويت في رسالته اللي نقلها الوفد الكويتي للرئيس عبدالفتاح السيسي، واللي أكد فيها تشريف الكويت لدعم مصر.
طيب مصر بتستهدف استثمارات كويتية هتوصل لكام في الفترة اللي جاية؟.
مصر في الوقت الحالي بتستهدف جذب استثمارات كويتية هتوصل قيمتها لـ7 مليار دولار خلال السنتين اللي جايين في قطاعات صناعة السيارات والنسيج والأجهزة المنزلية والإلكترونيات والدواء والمواد الغذائية والطاقة المتجددة وتكنولوجيا المعلومات ومراكز البيانات والذكاء الاصطناعي والتعهيد، والقطاع السياحي والصحي والزراعي.
في الفترة اللي فاتت الحكومة عملت أكثر من اجتماع مع المستثمرين الكويتيين، وده اللي أكده وزير قطاع الاعمال العام محمد شيمي، أن الوزارة طرحت على المستثمرين الكويتيين فرص للتعاون في أنشطة متنوعة من بينها الصناعات الكيماوية والمعدنية والغزل والنسيج وفرص استثمارية في قطاع السياحة والفنادق.
الاستثمارات الكويتية في مصر بتوصل لـ20 مليار دولار، الكويت شايفة أن الرقم ده قليل جدا، وفي الوقت الحالي المسئولين هناك عايزين يزودوا استثماراتهم في مصر ويستغلوا الفرص المتاحة والتسهيلات اللي بتقدمها مصر للمستثمرين خصوصا في قطاعات السياحة والعقارات وصناعة السيارات والأدوية.
إخلاء مسؤولية إن موقع عاجل الإخباري يعمل بطريقة آلية دون تدخل بشري،ولذلك فإن جميع المقالات والاخبار والتعليقات المنشوره في الموقع مسؤولية أصحابها وإداره الموقع لا تتحمل أي مسؤولية أدبية او قانونية عن محتوى الموقع.
