مصر في الوقت الحالي بقت سوق واعد لكل المستثمرين من كل دول العالم، والمستثمرين الأماراتيين بيعد واحد من اهم اسباب ارتفاع الاستثمارات الأجنبية في السوق المصري.. ياتري ازاي الأمارات فتحت شهيه العالم للاستثمار في مصر.. ومستهدفات مصر من الاستثمار الأجنبي.
مصر علي مدار الشهور اللي فاتت وتحديدا من الفترة الرئاسية الجديدة للرئيس عبد الفتاح السيسي قدمت تحفيزات كبيرة لدخول الاستثمارات ورؤوس الأموال الأجنبية بالسوق المصري، خصوصا أن عدد كبير من الشركات ورؤوس الأموال الأجنبية غادرت السوق المصري في السنين اللي فاتت وقفت شغلها تماما في السوق المصري.
التسهيلات اللي قدمتها الحكومة للمستثمرين تضمت تسهيلات كبيرة في الحصول علي الاراضي لاقامة المشروعات الصناعية المختلفة ده غير التسهيلات اللي بتقدمها الحكومة للمستثمرين للحصول علي التراخيص اللازمة لبناء وتشغيل المشروعات واللي حاليا عبارة عن رخصة واحدة الحكومة بتمنحها للمستثمرين تحت اسم الرخصة الذهبية واللي هيا بتغني المستثمرين واصحاب رؤوس الأموال الأجنبية عن اللفة الطويلة اللي كانوا بيقموا بيها للحصول علي التراخيص من جهات كتيرة ومتعددة في الدولة.
طيب ازاي الأمارات فتحت شهية المستثمرين للدخول للسوق المصري؟.
في الوقت اللي فاتت شهدت دخول استثمارت كتيرة من كل دول العالم لمصر، وأولهم اكثرهم هيا الاسثتمارات الاماراتية خصوصا الاستثمارات اللي بتقوم بيها الأمارات في منطقة رأس الحكمة واللي وصلت عوائدها المباشرة في الاقتصاد المصري لـ35 مليار دولار، فتجت شهية مستثمرين كتير حوالين العالم خصوصا الاستثمارات الصينية للدخول للسوق المصري.
الأستثمارات الأماراتية في مصر متوقفتش علي راس الحكمة بس لما ده كمان توسعت وشملت حصص في البنك التجاري وأبو قير للأسمدة وفوري، خصوصا بعد استحواذ صناديق أبوظبي السيادي على حصص في 5 شركات مقيدة ببورصة مصر، وهي حصص في البنك التجاري الدولي والاسكندرية لتداول الحاويات وشركة موبكو وشركة أبو قير للأسمدة.
الاستثمارات الأماراتية في مصر وصلت كمان للفنادق التاريخية، خصوصا أن صندوق أبوظبي السيادي له حصه في 7 فنادق تاريخية من خلال شركة آيكون واللي بتملك 15 فندق في القاهرة والإسكندرية وشرم الشيخ، بقيمة 882.5 مليون دولارن ده غير امتلاك الأمارات لشركات بترول بعد ما شركة أبوظبي التنموية القابضة اشترت حصص في 3 شركات بترول بقيمة 800 مليون دولار، ده غير حصص بعض الشركات الأماراتية في شركات إيثيدكو واللي هيا أكبر منتج للإيثيلين والبولي إيثيلين في مصر، وشركة الحفر المصرية وشركة إيلاب اللي تابعين لقطاع البترول.
الاستثمارات الأماراتية في مصر وصلت للقطاع الصحي ومجموعة الإمارات للرعاية الصحية وقعت اتفاق شراكة استراتيجية مع مجموعة ألاميدا للرعاية الصحية بمصر، لامتلاك حصص في مستشفيات دار الفؤاد والسلام الدولى، ومستشفى دار الفؤاد 6 أكتوبر، ومستشفى دار الفؤاد مدينة نصر، ومركز متخصص في أمراض الجهاز الهضمي والعناية بالكبد، ومركز إليكسير للعناية بالجهاز الهضمي والكبد وعيادة العلاج الطبيعي وإعادة التأهيل، المركز الألماني لإعادة التأهيل.
إخلاء مسؤولية إن موقع عاجل الإخباري يعمل بطريقة آلية دون تدخل بشري،ولذلك فإن جميع المقالات والاخبار والتعليقات المنشوره في الموقع مسؤولية أصحابها وإداره الموقع لا تتحمل أي مسؤولية أدبية او قانونية عن محتوى الموقع.
