مصر هتتحول لمركز تجاري عالمي في مجال الملابس الجاهزة السبب في التحول ده هيا الرسوم الجمركية الأمريكية.. ياتري اية سر التحول ده .. وآية مستهدفات مصر من التوسع في صناعة الملابس الجاهزة.
الرسوم الجمركية الأمريكية واللي في الفترة الأخيرة عملت أزمة في حركة التجارة العالمية وتسببت في ارتفاع أسعار السلع العالمية، والرد اللي كان عليها من عدد كبير من دول العالم واللي ادي لأزمة تجارية عالمية لها أثر علي كل دول العالم خصوصا الدول اللي لها صادرات في السوق الامريكي خصوصا أن الرسوم الجمركية الأخيرة هتكون سبب اساسي في ارتفاع عالمي للأسعار.
مصر واحدة من الدول اللي لها تجارة مع الولايات المتحدة الأمريكية خصوصا في الملابس الجاهزة واللي كل خبراء الاقتصاد أكدوا أن في حالة عودة فرض الرسوم الجمركية مش هيكون عائق كبير علينا خصوصا أن الرسوم الجمركية علي الملابس الجاهزة مش هتتعدي 10% ودي أقل نسبة رسوم جمركية علي كل السلع بين الرسوم اللي أقرتها الإدارة الأمريكية.
خبراء الاقتصاد قالوا إن الرسوم الجمركية الأمريكية ممممن تتحول لسبب رئيسي في زيادة الصادرات المصرية للسوق الأمريكي وكل الأسواق الخارجية خصوصا أن 50% من الصادرات المصرية للولايات المتحدة هي من الصناعات النسيجية، وهي تتمتع بميزة تنافسية كبيرة، خصوصاً أن الرسوم المفروضة على منافسي مصر في هذا القطاع كانت أعلى بكثير وبالتالي فرصة مصر لزيادة صادراتها للسوق الأمريكية هتكون اعلي من باقي دول العالم، وكل التوقعات بتقول ان الطلب في السوق الأمريكي علي المنتجات المصرية هيكون اعلي بكتير مقارنة بباقي المنتجات الموجودة هناك بسبب جودتها العالية ده غير أن هتكةن ارخص بكتير مقارنة بباقي الأسعار هناك.
طيب إزاي الحكومة هتتحرك علشان تستغل الرسوم الجمركية الأمريكية في زيادة صادراتها للمنسوجات ؟.
زي ما احنا عارفين ان الحكومة المصرية خلال الفترة اللي فاتت قدمت تسهيلات كتيرة جدا لدخول الاستثمارات الأجنبية للسوق المصري والتحفيزات دي عبارة عن تسهيلات في الحصول علي الأراضي وكمان تسهيلات في الحصول علي التراخيص واللي مصر يتقدمها دلوقتي في صورة موافقة واحدة اسمها الرخصة الذهبية واللي الحكومة بتمنحها للمشروعات ودي عبارة عن تراخيص واحد شامل للبناء والتشغيل بدون ما يحتاج لاي موافقات من أي جهة تانية في الدولة.
الرسوم الجمركية الأمريكية والتسهيلات اللي قدمتها مصر لدخلو الاستثمارات الأجنبية للسوق المصري، خلت مصر هدف رئيسي للمستثمرين واللي هنا بيدروا علي اي فرصة لدخول سوق بيوفر اعلي فرص للتصدير وأقل ضرائب، وده اللي بتقدمه مصر وفي الفترة اللي فاتت مصر وصلت بها عروض من عدد كبير من الشركات خصوصا الشركات الصينية والتركية لإقامة مشروعات في مجالات الملابس الجاهزة والمنسوجات هيكون إنتاجهم مخصص بشكل كامل للتصدير للخارج خصوصا السوق الامريكي.
إخلاء مسؤولية إن موقع عاجل الإخباري يعمل بطريقة آلية دون تدخل بشري،ولذلك فإن جميع المقالات والاخبار والتعليقات المنشوره في الموقع مسؤولية أصحابها وإداره الموقع لا تتحمل أي مسؤولية أدبية او قانونية عن محتوى الموقع.
